رحلتي في عالم الطبخ بدأت في مطبخ ماما، مصدر تعلمي الأساسي، ست البيت الشطورة اللي ربنا يديها الصحة. كنت بشوفها وهي بتحضر الأكلات البيتي بمهارة واهتمام، وده علمني إن الطبخ فن محتاج حب وشغف أكتر من أي حاجة تانية.

بحب أوي أبتكر وأجرب أكلات كتير بطرق كتير مختلفة. مش بس بالمعرفة اللي اتعلمتها من ماما، لكن كمان من قنوات الطبخ التلفزيونية اللي كانت مصدر إلهام كبير ليا.

الطبخ بالنسبة لي مش شغل أو وظيفة، ده شغف وحب بجد. مع إني مأخدتش دورات احترافية ولا سافرت بره مصر عشان أتعلم، لكن الشغف هو اللي خلاني أطور من نفسي وأتعلم كل يوم حاجة جديدة في المطبخ.

النهاردة، أنا سعيدة إني أشارك شغفي بالطبخ معاكم من خلال مطبخ فروحة. كل طبق بتجربوه هو جزء من قصتي وحبي للطبخ. وأهم حاجة عندي هي إن الأكل يكون طعمه زي ما بنعمله في البيت، بنفس الحب والاهتمام.